«Қызғалдақ» бөбекжай бақшасы
«Аққаланың жаңа жылдағы шырғалаңы»
Ортаңғы «Жұлдызша» тобы
Тәрбиеші: Табылдиева.Н.Қ
2023ж
«Аққаланың жаңа жылдағы шырғалаңы»
Балалар музыка ырғағымен залға кіріп, шыршаны айналып тұра қалады.
Тәрбиеші: Жүзімізде күлкі ойнап,
Қанаттанар жанымыз.
Жаңа жылды біз тойлап,
Шаттанайық бәріміз!
Ән: «Шыршаға бардық»
Отырады.
Жүргізуші: Балалар, шырш а мерекесі ойдағыдай басталған сияқты, бұл
мерекеге кімдер келуі тиісті?
Балалар: Аяз Ата, Ақшақар!
Тәрбиеші: Өте дұрыс! Біздің шырша мерекеміздің Аяз атасыз сәні
болмайды, сол себептен Аяз атамен Ақшакарды хат арқылы
шақырсақ қайтеді?
Балалар: Шақырайық!
Тәрбиеші: Өте жақсы! Онда мен хат жазуға кірісейін.
(хат жазады) «Құрметті Аяз Ата!
Біздің шырша мерекемізге немере қызыңыз – Ақшақармен келіңіз!»
Міне хатымызда даяр болды.
Ей, хабаршы Аққала! Кел мында!
Өжеттігіңді көрсет,
Тез Аяз Атаға жет!
Ұсын хатты қолына
Келсін жылдам шыршаға!
Аққала: Тоғай жолы оңай емес,
Дегенмен балалар,
Сендер үшін Аққала
Ешкімнен де қорықпайды,
Аяз Атаға барамын,
Қолына хатты ұсынамын!
Күшік: Құрметті Аққала!
Мен де бірге барайын,
Жолда өзіңе қорған болайын!
Аққала: Ал сен қайдан шыққан батырсың?
Күшік: Менің атым Ақтөс!
Ештеңеден қорықпаймын,
Атаға тез жол табамын,
Өзіңе қорған боламын!
Аққала: Ондай болса кетейік,
Атаға тез жетейік!
Аққала мен Күшік шыршаны айналып кетеді.
Тәрбиеші: Тоғай ішінде,ойнап жүрген қоянды
Батыр Ақтөс шәуілдеп қоянды қуып кетеді.
(Күшік қоянды қуып шыршаның артына кіріп кетеді.)
Би: «Аяз ата»
Аққала: Ақтөс, Ақтөс, кел мұнда!
Мені қорғаймын дегенің қайда?
Е... Ақтөсім кетті еркімен,
Қалдым жалғыз хатпен мен.
Аязды өзім табайын...
Хатты өзім ұсынайын!
Тәрбиеші: Кенет дауыл басталды
Аққала жолдан мүлдем адасты!
(Музыкамен залға ақ көйлек киген тәрбиеші Аққаланы айналып Аққаланың бетіне ақ шарфпен сермеп
айналып билеп қоймайды. Аққала осы кезде «Ойбай-ай, жүруден мүлдем қалдым! Құладым!» - деп
айқайлап
шыршаң артына барып тығылып қалады: қолындағы хатты шырша алдына алдын-ала даярлап қойған шелек
пен сәбіздің қасына тастап кетеді.)
Тәрбиеші: Суық желден Аққала шашылды.
Оның қолындағы хаты, басындағы шелегі және мұрнындағы
сәбізі қар үстінде қалып қойды.
(Осы кезде Түлкі ойнап жүгіріп шыршаның алдына шығады.)
Түлкі: Мынаның бәрі кімдікі?
Хатты өзіме алайын.
Сәбізді мен жемеймін,
Шелекті мен білмеймін! (аяғымен шелекті ақырын теуіп қалады.)
(Түлкі хатты қолына алып жүгіре бергенде алдынан қасқыр шығады.)
Қасқыр: Қайдан жүрсің, құрбым?
Қолыңда не, көрсетші!
Түлкі: Бермеймін, өзіме керек!
Қасқыр: Бер деймін!
Түлкі: Бермеймін!
Қасқыр: «Бересің» - дедім мен саған! (Түлкіге қадымдап келіп қорқытады.)
Түлкі: Ай-яй-яй!
(Екеуі төбелеседі де шыршаның артына кетіп қалады, ал хат шырша алдында қалып қояды.)
(Осы кезде шырша алдына Сауысқан «ұшып» келеді.)
Қарға: қарқ,қарқ
Мынау жатқан не екен? (хатты қолына алып.)
Бұл хат қой!
Кімге жазылса да өзіме алып алайын!
(Хатты алып «ұшып» кетеді.)
Шырша алдына Күшік шығады.
Күшік: Ой-ой-ой! Ой-ой-ой!
Айналайын Аққала қайдасың!
Сені енді қайдан іздеп табамын!
Қоян: Өзіңе де сол керек! Енді мені қумайсың!Енді мені қорқытпайсың!
Күшік: Кешіріңдер, достарым!
Енді сендерге тиспеймін! (Жылап қалады.)
Қоян: Ақтөс, сен жылама.
Достарың саған көмектеседі!
Аққаланы бірге жасаймыз!
(Күшік пен Қоян әрі ойланып бері ойланып тұрғанда,
Ойын: «Аққала»
Аққала шырша алдына келіп тұра қалады.)
Аққала: Қолым, басым орнында (Өзін-өзі сипайды.)
Қалпыма келді достарым!
Енді Атаға барайын,
Хатын қолына берейін!
Ой, хат қайда? (Бәрі хатты іздейді.)
Аққала: Балалардың хатын жоғалттым!
Енді Аязға қалай барамын?
Оған не деп айтамын? (Жылай бастайды.)
Қарға: қарқ,қарқ, мен келдім!
Хаттарың міне, менде.
Аққала: Сауысқан, сен жарадың,
Хатты сақтап қалыпсың.
Көп рақмет, достарым!
Аязға мен жетейін,
Сәлемдемені қолына берейін. (Залдан шығып кетеді.)
Тәрбиеші: Балалар, Аяз Ата келгенше өлеңімізді айтып биімізді билей
берейік. Жұлдыздар , кәне билеріңді көрсетіп көңілімізді көтеріңдер.
Жұлдыздар биі.
Музыкамен залға Аяз ата немересімен кіреді.
Аяз ата: Хаттарыңды алып,
Міне біз де келдік ортаға!
Аман ба менің балаларым,
Сағынып келді сендерді аталарың.
Құтты болсын Жаңа жыл!
Ұнадыма шыршаларың?
Балалар: Ұнады!
Аяз ата: Өзім баптап өсірдім,
Қуансын деп сендерді.
Бәріміз бір дауыспен
Дейік енді шыршаға:
«Қуант бізді таңырқат –
Шамдарыңды жарқырат!»
(Балалар қолдарын көтереді, шырша шамы жанады.)
Ақшақар: Қызық думан күн келді,
Жасыл шырша түрленді!
Аяз ата: Кел, ортаға келіңдер,
Би билеңдер – көңілденіңде
(Балалар шыршаны айналып тұра қалады.)
Ән:«Аққала»
Аяз ата: Ақшакар қызым,Аққалармен билеп мені суытпасаңдар мен
ыстықтап кеткен сияқтымын.
Ақшақар: Бәрімізді біледі
Бізге қарап күледі
Бір қолында сыпырғыш
Бір қолында күрегі
биі: «Аққала»
Аяз ата: Билерің тіптен тамаша болды, рақмет!
Енді маған арнап тақпақ оқитын балалар бар ма?
Тәрбиеші:Әрине ата, өзіңізге балалар көп тақпақ жаттап айтқысы келіп
отыр.
Балалар тақпақ айтады.
Ақшақар: Ата, балалармен ойнағанды жақсы көруші едіңізғой!
Аяз ата: Балалар, мені риза қылдыңдар, енді мен сендермен ойын ойнағым
келіп тұр.
Ойын «Мұз қылып қатырамын»Балалар ортада тұрады
Аяз ата: Жә, жә, балаларым!
Мені әбден шаршаттыңдар.
Барлықтарың көңілді екенсіңдер.
Ақшақар: Ата, балалар өзіңізден сыйлық күтіп отыр-ғой!
Аяз ата: Әрине, менде балаларға арнаған сыйлығым көп, кәзір Қапты
шақырайын! (Сыйқырлы сөздер айтады.)
Қап, кел мұнда!
(Залға музыкамен Қап жүгіріп кіреді. Шыршаны айналып жүгіріп кете береді, Аяз ата болса, таң қалып
қарап қалады.)
Аяз ата: Тұр орныңда қозғалма!
Қорапша: Мықты болсаң атажан,
Қуып көр мені жете алсаң!
(Қап шыршаны айналып кете береді, Аяз ата оның артынан қуып барып сыйлығы бар басқа қызыл қапты
залға алып кіреді.)
Сыйлық тарату.
Аяз ата: Балаларым балғыным,
Кішкентай менің құлындарым,
Би биледік, ән салдық,
Уақыт деген тез өтті,
Енді сау боп тұрыңдар!