Ортаңғы «Бәйтерек» тобы
Ұйымдастырылған тақырыптық іс-шара
Тәрбиеші: Қосымғалиева С.А.
Тақырыбы: «Тәуелсіз елдің ұланымыз!»
Міндеті: Балаларды Отанды сүюге, Қазақстан Республикасының рәміздерін
қастерлеуге, туған жерге деген сүйіспеншілігін арттыруға тәрбиелеу.
Бүлдіршіндердің тілдік, сөздік қорын байыту. Мақал-мәтел, тақпақтар
арқылы ой-өрісін кеңейту, сөздік қорларын молайтып, тілдерінің дамуына
ықпал ету.
Көрнекіліктер: ҚР Рәміздерінің, ту, елтаңба, әнұранның суреттері.
Барысы:
«Шаттық шеңберін»
Армысың, алтын күн,
Армысың, жер Ана.
Армысың, көк аспан,
Армысыңдар, достарым!
Бүгінгі ұйымдастырылған іс-шарамызды Қазақстан Республикасының
гимнмен бастайық.
ҚР Гимн орындалады.
Сұрақ-жауап: Жыл ерекшеліктері:
-Балалар, қазір жылдың қай мезгілі?
-Қыс мезгілінде неше ай бар?
-Қыс айларын атайық?
-Қыс мезгілінде ауа-райы қандай болады?
-Үстімізге қандай киім киеміз?
-Қандай ойындар ойнаймыз?
Суреттер арқылы тәуелсіз ҚР туралы түсінік беру.
Біз аспаны ашық, сәулелі,кең,байтақ елде тұрамыз. Ол ел –Қазақстан
Біздің еліміз қалай аталады?
-Тәуелсіз Қазақстан Республикасы
-Дұрыс, еліміз, Отанымыз, жеріміз Тәуелсіз Қазақстан Республикасы деп
аталады екен. Біздің еліміз Қазақстан көптеген жетістіктерге жетті. Әр
адамның өз Отаны, атажұрты, мекені, қонысы болады екен. Ал, біздің
Отанымыз Қазақстан деп аталады. Қазақстанның астанасы Нұрсұлтан
қаласы. Еліміздің тұңғыш президенті – Нұрсұлтан Әбішұлы Назарбаев.
Еліміздің қазіргі президенті – Қасым-Жомарт Кемелұлы Тоқаев.
Балалар Отан туралы қандай тақпақтар білесіңдер?
Тақпақтар:
Айшабибі: Отан - деген атамекен,
Отан - деген туған жер.
Отан - Ана,Отан - үлкен,
Қазақстан - туған жер.
Алмат С:Елтаңбасы елімнің,
Неткен әйбат,әдемі.
Тұнығындай көңілдің,
Ортада аспан әлемі.
Айдай:Құт,береке шаңырақ,
Орын алған ол төрден.
Қанатты қос арғымақ,
Екі жақтан көмкерген.
Фатима:Көк аспанда көкпеңбек,
Қазақстан жалауы.
Көк емес ол тектен тек,
Елдің ашық қабағы.
Ақтілек:Анаң күнің жүрегің,
Әкең өмір тірегің.
Сен бақытты ұлансың
Бәрі саған қуансын.
Айлин: Отан - жерім,
Отан - суым,
Отан қуат,нәр береді.
Отан - ұран,
Отан туым,
Отан мәңгі гүлденеді.
Медина:Айнымайды аспаннан,
Біздің тудың жалауы.
Оны халық қашанда,
Биікке ілі қояды.
Дана:Әйнегі - күн,
Шатыры - аспан.
Кең далам асқақ,
Төсі толған егін,
Көлдері күміс шашқан,
Қазақстан - Республикам менің!
Айбат:Көк байрағы бабамның
Бүгінгі ұрапқ алауы.
Тірегі әке баланың
Қазақстан жалауы.
- Балалар, ҚР рәміздерін атап беріңдерші?
-Ту, елтаңба, гимн.
-Тудың түсі қандай? Туда ненің белгісі бар?
-Тудың түсі көк, шетінде ою-өрнек, ортасында күн және қыран құс.
-Ел таңбамызда ненің бейнесі бар ?
-Елтаңба алтын және көгілдір түсті. Әлемнің тұтастығын, ошақтың
амандығын білдіреді. Тұлпар биік арманның қайраттың нышаны. Жұлдыз –
жұлдызымыз жарық болсын дегенді білдіреді.
Дидактикалық ойын: «Кім зерек?»
Ойын шарты: Берілген суреттерді құрастыру
Музыкалық ән-ойыны: «Киіз үй»
Ойын шарты:
Көтеріліп шаңырақ,
Керегелер керілер
Уықтары шаншылып
Өрімдей боп өрілер
Қол ұстассақ айнала
Киіз үй болып көрінер – деп қимыл қозғалыспен балалар шеңбер бойына
жиналады.
Топтық дидактикалық ойын: «Көк ту»
Шарты: ҚР туын құрастыру. Күннің шуағын елімізге деген жылы тілектерін
айтып құрастыру.
Сұрақ-жауап арқылы оқу қызметін қорытындылау.
Осымен біздің тәуелсіздік мерекесіне арналған ұымдастырылған іс-шарамыз
өз мәресіне жетті.Оқу қызметіне жақсы атсалысып қатыстыңыздар.
Бағалау және мадақтау.
«Қызғалдақ» бөбекжай бақшасы
«Тәуелсіз елдің ұланымыз!»
Ұйымдастырылған іс-шара
«Бәйтерек» ортаңғы тобы
Тәрбиеші: Қосымғалиева С.А.
2023 жыл
Қызғалдақ бөбекжай бақшасы
Тәуелсіз елдің ұланымыз!
Ұйымдастырылған іс-шара
«Бәйтерек» ортаңғы тобы
Тәрбиеші: Қосымғалиева С.А.
2023 жыл