«Қызғалдақ» бөбекжай бақшасы
ОРМАНДАҒЫ АЛТЫН КҮЗ
«Жұлдызша» ортаңғы тобы
Тәрбиеші:Табылдиева.Н.Қ
2023 жыл
«Ормандағы алтын күз»
«Жұлдызша» ортаңғы тобының Алтын күзге арналған сценарийі
Міндеті:Балаларға мерекелік көңіл-күй сыйлау,ойындарда өз күштерін сынап
көруге ынталандыру; күз мезгілі туралы түсініктерін кеңейту,табиғат өзгерістеріне мән
беруге және табиғатты аялай білуге тәрбиелеу.
Балалар әдемі әуен ырғағымен орманға келеді,залдың ішінде жапырақтар төгіліп жатады,
балалар жапырақтарды жинап«жапырақтар шоғын»жасап құмыраға салып қояды.
Жүргізуші: Балалар, қараңдаршы айнала орман іші қандай тыныш, бір түрлі көңілсіздік.
Бұл тегін емес. (Осылай орман ішін аралап жүргенде Алтын күз алдарынан шығады,
бірақ ол сондай көңілсіз)
Алтын күз: Сәлеметсіңдер ме, балалар,қонақтар!Менің сұлу да әдемі, көрікті
табиғатыма қош келдіңіздер!
Жүргізуші:Сәлеметсіз бе,Алтын күз! Біз бүгін сіз айтқандай көрікті, әдемі
табиғатымызды тамашалауға саяхатқа келгенбіз. Бірақ сіздің көңіл-күйіңіз жоқ қой, не
болды сізге? Ормандағы аққайың да көңілсіз, емен ағашы да жылап тұр.
Алтын күз: Мен сиқырлы қылқаламымды жоғалтып алдым, күз бояуын бояп
үлгермедім. Енді не істеймін, қылқаламымды қайдан тапсам болады?
Жүргізуші: Қане, балалар, Алтын күздің көңілін көтеріп, оған арналған
тақпақтарымызды орындап берейік. Қылқаламды да іздеп табуға көмектесейік.
Ясмин:Алақай,алақай!
Шаттанды балақай
Күз түсті,дән пісті
Айтамыз алғысты
Аяна: Құстар қайтты ән салып,
Бұлт шарлады аспанды
Қыс келеді жар салып
Күзгі суық басталды
Жеңісбек: Қарашы күз келді,күз келді
Жапырақ жауыпты іздерді
Құс біткен керуен тізеді
Қара бұлт қабағын түйеді
Иман Али: Берекесін сыйлауға
Өлкемізге күз келді
Жемістерін жинауға
Шақырады біздерді
Айдархан: Алтын, сары, қызыл, көк
Алуан-алуан жапырақ
Күзгі бақта күлімдеп
Көз тартады атырап
Ән: «Күз,күз,күз»
Алтын күз: Жарайсыңдар, балаларым, өнерлерің өрге бассын! Рахмет сендерге!
Мыстан: Мына алтын қылқаламды тауып алғаным қандай жақсы болды, үйімнің сырты
200 жылдан бері бояу көрмеген, бір жаңарып қалатын болды.
Жүргізуші: Сиқырлы алтын қылқалам сізде екен ғой?! Қане, Мыстан, Алтын күздің
қылқаламын өзіне қайтар!
Мыстан: Тапқан тапқандыкі, ешкі баққандыкі! Қайтармаймын!
Жүргізуші: Алтын күзге ол керек қой, ағаштарға алтын киім, жерге түсті кілем төсеп
үлгеруі керек қой!
Мыстан: Ах, қандай пысықсыңдар, ә! Өздеріңді сәндеп, ал мен сол ескі үйшікте өмір
бақи тұруым керек екен ғой! Олай болмайды, мен де әдемі өмір сүргім келеді, ешкімді
де үйіме жақындатпаймын, кіргізбеймін!
Жүргізуші:Балалар мыстанға би билеп берейікші,биімізді ұнатып бізге алтын күздің
қылқаламын беріп қалар.
Би:«Күз ханшайыммен»
Жүргізуші: Қалай, біздің биіміз ұнады ма?
Мыстан:жоқ,мүлдем қызықпадым!
Жүргізуші: Ендеше,бізбен ойын ойнауға қалай қарайсыз?
Мыстан: Ойын ойнасақ, ойнайық! Мен ойынды жақсы көрем!
Ойын: «Картоп жинау»
Ойын шарты: балалар екі топқа бөлініп эстафетамен картопты бақшадан себетке
жинайды, қай топ бірінші бітірсе, сол топ жеңіске жетеді.
Мыстан: Ойбуй! Мен сендермен ойнаймын деп, тірлігімнің бәрі қалды ғой! Уақытым
жоқ, барып үйімнің сырлайын, - деп сыпырғысын алып, үйін сырламақ болады.
Мыстан: Мен түсінбедім, бұл қалай?
Жүргізуші:сен ойын ойнап жүргенде,балалар үйіңді әдемілеп,сәндеп қойды
Мыстан:рахмет,балалар көп жылдан бері үйімді сәндей алмай жүр едім,енді маған
қылқаламның қажеті жоқ,деп қылқаламды жерге тастай салады(сау болыңдар балалар
деп шығып кетеді)
Жүргізуші: Міне, Алтын күз, ала ғой алтын қылқаламыңды
Алтын күз: Сендерге көп рахмет! Мен енді табиғатты бұдан да әдемі түстерге
бояймын!
Жүргізуші: Алтын күз, біздің балаларымыздың өнерін әрі қарай тамашалауға
шақырамын!
Ән «Күз келді,күз келді»
Алтын күз: Жарайсыңдар, балалар!
Көңілсіз музыка қосылады, ағаштардың ішінен жылаған дауыс шығады.
Жүргізуші: Балалар, бұл ненің даусы? Біреу жылаған сияқты ма?
Алтын күз: Мен де біреудің жылаған даусын естігендей болдым, қане кім екен,
көрейікші? Ой, бұл біздің ормандағы ең әдемі тиін ғой! Тиін саған не болды? Неге жылап
жүрсің? Неге көңілсізсің?
(тиінді ортаға алып шығады)
Тиін: Ой, Алтын күз, балалар! Күн болса суып келеді, алдымызда ызғарлы қыс та келе
жатыр. Менің қысқа әзірлігім жоқ, балаларыма әлі қысқы азығымды жинаған жоқпын.
Жүргізуші: Тиін, сен көңіл күйіңді түсірме! Біз саған көмектесеміз!
Алтын күз: Ал, енді, балалар! Тиін қысқа дайын емеспін деп жылап жүр ғой,
балаларына азығын жинап берейік!
Ойын:«Жемістерді жинау»
Шарты: Балалар жерде шашылып жатқан жемістерді жинау керек.
Тиін: Жарайсыңдар, балалар! Рахмет сендерге!мен енді қайтайын.
Би:«Жапырақтар»
Кірпі: Амансыңдар ма, балалар! Осы мен қартайып келемін, орманға сіздер қонаққа
келіп қалғансыздар ма, әдемі дауыстарыңды естіп, әндеріңді естіп, осы жаққа бет
бұрдым. (Кірпі қолындағы таяғымен бірдеңе іздеп жүреді)
Алтын күз: Кірпі, сен бірдеңе іздеп жүрсің бе, бізге де айтсайшы, бірге іздейік!
Кірпі: Алтын күз, мен өзімнің ағаш түбінде өсетін саңырауқұлақтарымды іздеймін ғой.
Жүргізуші: Кірпі, сенің саңырауқұлақтарың осы жерде
Би: «Саңырауқұлақтар»
Кірпі: Ой, рахмет саған, Алтын күз!
Алтын күз: Менің де қайтатын уақытым болды, менің атқарар жұмысым өте көп,
қысқа дейін үлгеруім керек. Сендерге риза болдым, қиындықта қол ұшын беріп,
көмектесе білдіңдер! Өнерлерің өрге бассын! Дендерің сау болып, дастархандарың
берекелі болсын! Мен сендерге құр қол келмедім, жеміс толы себетімді ала келдім.
Келесі жылы кездескенше, балалар! Сау болыңдар!
Жүргізуші: Құрметті ата-аналар, қонақтар! Осымен біздің «Жұлдызша» ортаңғы
тобының Алтын күзге арналған «Ормандағы алтын күз» атты ертеңгілігі аяқталды..